HAMADRİL, p l a ş l ı (b ü r ü n c ә k l i) p a v i a n (Papio hamadryas) – әntәrmeymunlar fәsilәsinin pavianlar cinsindәn mәmәli. Bәdәninin uz. 80 sm-әdәk, quyruğu 60 sm-ә qәdәr, kütlәsi 30 kq-adәkdir; dişilәri erkәklәrindәn xeyli kiçikdir. Üzü uzun, köpәk dişlәri iri, ovurd kisәlәri güclü inkişaf etmişdir. Bәdәni sıx tüklә örtülüdür; erkәklәrdә plaşa bәnzәyәn (ikinci adı da buradandır) uzun (25 sm-әdәk) tüklәrdәn ibarәt yal, üzündә “bakenbardlar”, quyruğunda fırça var. Erkәklәr açıq-boz, dişilәr ya şılımtıl-qәhvәyi, balaları qaradır; üzü çәhrayı çalarlı, oturaq döyәnәyi açıq-qırmızıdır. Efiopiyanın dağәtәyindә, Somalinin şm.-ı, Sudanın şm.-ş.-i, Ərәbistan y-a-sının c.-unda yaşayır. Müxtәlif bitki qidaları, hәmçinin xırda onurğalılar vә cücülәrlә qidalanır. 80–100 (300-әdәk) fәrdlәrdәn ibarәt, yaxşı nәzәrә çarpan quruluş vә iyerarxiyalı böyük qruplar yaradırlar. Mi-mika, jest, duruş, sәs siqnallarından istifadә etmәklә bir-birilә әlaqә saxlayırlar. Çox vaxt bağ vә plantasiyalara hücum etmәklә k.t.-na böyük zәrәr verirlәr. Bağlı halda (insan tәrәfindәn saxlandıqda, heyvanxana vә s.) yaxşı çoxalır; laboratoriya heyvanı kimi istifadә edilir. TTEMBİ-nin “Qırmızı kitab”ına daxil edilmişdir.
Qvineya hamadrili (Papio papio).
