HAMİDİ (1407, İsfahan – tәqr. 1485/86, İstanbul) – Azәrb. şairi. Hәyatı haqqında mәlumat azdır. Mükәmmәl mәdrәsә tәhsili almış, Azәrb., әrәb vә fars dillәrindә yazmışdır. Haqqında ilk dәfә Əndәrunlu Ətatarixi әsәrindә, Aşıq Çәlәbi vә Lәtifi tәzkirәlәrindә mәlumat verilmişdir. 30 illik sәyahәtdәn sonra 1456 ildә İstanbula gәlmiş, Sultan II Mehmed Fatehin saray şairlәrindәn olmuşdur. Lirik qәzәllәrlә yanaşı, qәsidәlәr dә yazmışdır. Şeirlәrindә ictimaifәlsәfi fikirlәr, tәbiәt tәsvirlәri, mәhәbbәtin tәrәnnümü әsas yer tutur. H.-nin külliyyatına daxil olan qәzәllәrdәn 190 beyti Azәrb. dilindәdir. Tәriqәt şeirlәri dә var. Azәrb. vә fars dillәrindә yazdığı şeirlәrindәn ibarәt divanı İsmayıl Hikmәtin müqәddimәsi ilә ilk dәfә Türkiyәdә (1949) çap olunmuşdur. Şair eyni zamanda xәttat kimi tanınmış vә divanını öz xәtti ilә yazdığı müqәddimәdә göstәrmişdir. H.-nin elmi, hәmçinin mәnzum “Nәsihәtnamә” vә “Vәsiyyәtnamә” әsәrlәrinin olduğu, da mәlumdur. H.-nin Hәbibi, Kişvәri, Füzuli vә b. şairlәrin yaradıcılığına tәsiri olmuşdur.
Ə s ә r i: Qәzәllәr, Azәrbaycan klassik әdәbiyyatı kitabxanası, 20 cilddә, c. 3., B., 1984.
Əd.: S ә f ә r l i Ə., Y u s i f o v X. Qәdim vә orta әsrlәr Azәrbaycan әdәbiyyatı. B., 1998; Azәrbaycan әdәbiyyatı tarixi. 7 cilddә, c.3, B., 2009.
