HÁMİLTON – Yeni Zelandiyada şәhәr. Uaykato әyalәtinin inz. m. Əh. 169,3 min (2019). Şimal a.-nda, Uaykato çayı sahilindәdir. Avtomobil yolları qovşağı. D.y. st. Beynәlxalq aeroport. Əsası 1860-cı illәrdә qoyulmuşdur. 1945 ildә şәhәr statusu almışdır. “Uaykato” un-ti (1964), Texnologiya in-tu (1968); mәdәniyyәt vә incәsәnәt muzeyi fәaliyyәt göstәrir. Hәr il Cәnub yarımkürәsindә әn iri sәrgilәrdәn biri olan “Fildeys” k. t. sәrgisi (“Misterikrik” sәrgi mәrkәzindә); hava şarlarında hava uçuşu ümum milli festivalı keçirilir. Zoopark, Hamil ton-qardens park zonası var. H.-da “Pacific Aerospace Corporation” transmilli şirkәtinin mәnzil-qәrargahı vә onun әsas istehsal müәssisәlәri (Boinq vә Erbas tәyyarәlәri üçün hissәlәr, hәmçinin idman vә s. tәyyarә modellәrinin yığılması) yerlәşir. Yeyinti, ağac emalı, maşınqayırma; gәmiqayırma (motorlu qayıqlar) sәnayesi müәssisәlәri var. H. k.t. (әsasәn, südlük heyvandarlıq) rayonunun mәrkәzidir; H. yaxınlığındakı Ruakurada k.t. tәdqiqatları mәrkәzi yerlәşir.
Hamilton şәhәrindәn (Yeni Zelandiya) görünüş.
