HAMSÚN Knut (tәxәllüsü; әsl soyadı P e d e r s e n) (4.8.1859, Opplan әyalәti, Harmu – 19.2.1952, Norholm) – Norveç yazışısı. Nobel mükafatı laureatı (1920). Yoxsul kәndli ailәsindә doğulmuşdur . Natamam mәktәb tәhsili almışdır. 2-ci dünya müharibәsinin әvvәllәrindә vә Norveçin işğalı dövründә, 1-ci dünya müharibәsindә olduğu kimi almanpәrәst mövqedә olmuşdur. 2-ci dünya müharibәsindәn sonra mәcburi psixiatriya müalicәsinә mәruz qalmışdır; kollaborasionizmә görә böyük mәblәğdә cәrimәyә mәhkum edilmişdir. H.-un ilk әsәri “Müәmmalı adam, Norland mәhәbbәt әhvalatı” (1877) povestidir. “Byörger” (1878) avtobioqrafik romanında H.-un bütün yaradıcılığı üçün mühüm olan kәndli hәyatı mövzusuna toxunulur, insanın tәbiәtlә qırılmaz әlaqәsi ön plana çәkilir. “Aclıq” (1890) romanı yazıçıya әsl uğur gәtirmişdir. “Misteriyalar” (1892), “Pan” (1894), “Viktoriya” romanları üçün tәxәyyülün qәribә oyunu, әtraf mühitin gәrgin qavranışı, psixoloji dәrinlik sәciyyәvidir. H.-un “Xәyalpәrәstlәr” (1904), “Payız ulduzları altında” (1906), “Benoni” (1908), “Roza” (1908), “Əsrin uşaqları” (1913), “Segelfoss qәsәbәsi” (1915), “Torpağın şirәsi” (1917), “Qadınlar quyu başında” (1920) vә s. romanları neoromantizm ruhundadır. “Avaralar” (1927), “Avqust” (1930), “Hәyat davam edir” (1933) roman trilogiyası oxucular arasında xüsusi populyarlıq qazanmışdır. H.-un digәr әsәrlәri arasında “Halqa qapanır” (1936) romanı, “Mәmlәkәt darvazaları önündә” (1895), “Hәyat oyunu” (1896), “Qürub şәfәqi” (1898) dramatik trilogiyası; novellalar toplusu; “Vәhşi xor” (1904) poetik toplusu; oçerklәri “Ot basmışcığırla” (1949) avtobioqrafik kitabı vә s. var. Ömrünün son illәrinin acı tәfәrrüatları öz әksini tapmışdır. 20 әsrin әvvәllәrindә H. Qafqaza sәyahәt etmiş, Azәrb.-da, ocümlәdәn Bakıda vә Ağstafada olmuş, “Nağıl diyarında” adlı yol qeydlәrindә Azәrb.-ın o dövrdәki vәziyyәti, Bakının tarixi abidәlәri, habelә azәrb.-lar haqqında maraqlı mәlumat vermişdir.
Ə s ә r l ә r i: Aclıq. B., 1930; Избр. произв., т. 1–2, М., 1970.
Əd.: История зарубежной литературы ХХ века. М., 1980.
