HANÇAR Frans (8.2.1893, Vyana – 10.7.1968, Vyana) – Avstriya arxeoloqu. Avrasiyanın müxtәlif ölkәlәrinin Paleolit, Neolit, Tunc vә Dәmir dövrlәrinә dair çoxsaylı әsәrlәrinin әksәriyyәti Qafqazın tarixinә hәsr olunmuşdur. 1929 ildә nәşr edilmiş “Qafqazın tarixәqәdәrki dövrü” erkәn әsәrlәrindәn biridir. Elmi maraq dairәsinә kimmer vә skif problemlәri, skif incәsәnәtindә “heyvani” üslub, Altay vә Qafqazın qәdim dövrü, xüsusilә dә Cәnubi Qafqazın tәtbiqi incәsәnәti daxil idi. Avrasiya erkәn köçәrilәrinin incәsәnәtinә (1956), insan tәrәfindәn atın әhlilәşdirilmәsi vә istifadәsinә (1955, 1967) hәsr olunmuş tәdqiqatları mühüm әhәmiyyәt kәsb edir.
Ə s ә r l ә r i: Urgeschichte Kaukasien. Wien, 1929; Kaukasus–Luristan. Eurasia septentrionalis antiqua, v. 9, Helsinki, 1934; Halstatt–Kaukasus. Mitteilungender Österreichischen Gesellschaft für Antropologie, Ethnologie und Prähistorie, 1947, № 73/77; Das Pferd in prähistorischer und frühhistorischer Zeit. Wien–München, 1955.
