HANSEN Lars Peter (d. 26.10.1952, İllinois ştatı, Erbana) – Amerika iqtisadçısı. Nobel mükafatı laureatı (2013, Y.Fama vә R.Şillerlә birgә). Yuta ştatı un-tini bitirmişdir (1974). Minnesota un-tindә K.Sims vә T.Sarcentin rәhbәrliyi altında çalışmışdır. 1981 ildәn Çikaqo un-tindә işlәyir. H. 1982 ildә bölüşdürülmә vә qarşılıqlı әlaqәlәrin mәchul parametrlәrinin qiymәtlәndirilmәsi üçün modeli qismәn mәhdudlaşdıran ümumilәşdirilmiş momentlәr metodunun (generalised method of moments, GMM) tәtbiqini tәklif etmişdir. H.-in metodu tәk indeksin deyil, eyni zamanda birjada satılan bütün sәhmlәrin dinamikasını tәhlil etmәyә imkan verir. H.-in R.Jaqanatanla birgә aldığı Hansen –Jaqannathan hәddlәri sәhmlәrin qiymәtәmәlә gәlmә modelinin empirik mәlumatlara uyğunluğunu testlәşdirmәyә imkan verir. H. qiymәtәmәlәgәlmәnin tәdqiqindә “qeyri-sәmәrәlilik” anlayışından istifadә etmәmişdir, lakin bazar iştirakçılarının daha ehtiyatlı olmağa sövq edәn şәrtlәri göstәrmişdir.
Ə s ә r l ә r i: Large sample properties of generalized method of moments estimators// Econometrika. 1982. Vol. 50. № 4;Implications of security market data for models of dynamic economies (with R.Jagannathan)// Journal of Political Economy. 1991. Vol. 99. № 2; The empirical foundations of calibration (with J. J. Neckman)//Journal of Economic Perspectives. 1996. Vol. 10. № 1.
