HANT (Hunt) Timoti, ser (d. 19.2.1943, Çeşir qraflığı, Neston), ingilis biokimyaçısı. Nobel mükafatı laureatı (2001, L.Hartyell vә P.Ners ilә birlikdә). London Kral Cәmiyyәtinin üzvü (1991). Kembric Un-tini bitirmişdir (1964), 1968 ildә hәmin Un-tdә doktorluq dәrәcәsini almışdır. 1991 ildәn xәrçәngin araşdırılması üzrә Kral fondunun aparıcı alimidir. Hüceyrә bölünmәsinin tәnzimlәnmәsi mexanizmlәrinin öyrәnilmәsi üzrә tәdqiqatları var; proteinkinazalarla kompleks әmәlә gәtirәrәk bu prosesi işә salan zülalları – tsiklinlәri kәşf edib tәsvirini vermişdir. 2001 ildә Kral medalı ilә tәltif edilmişdir.
