HÁRRİS Roy (12.2.1898, Oklahoma ştatı, Çendler – 1.10.1979, Kaliforniya ştatı, Sant a-Monika) – Amerika bәstәkarı, pedaqoq. 1924–25 illәrdә Los-Ancelesdә A.Faruelldәn kompozisiyanı öyrәnmiş, bunun sayәsindә Şimali Amerika hindilәrinin folkloru vә protestant himnodiyası ilә tanış olmuşdur. 1926–29 illәrdә Parisdә N.Bulanjedәn dәrs almışdır. Culyard musiqi mәktәbindә (1934–38), Kornel Untin dә (1941–43), Kolorado kollecindә (1943–48), İndiana ştatı Untindә (1957–60), Kaliforniya Untindә (1970–76) vә digәr ali mәktәblәrdә kompozisiyadan dәrs demişdir. U.Şumen vә P.Şikele onun tәlәbәlәri olmuşlar. 1945–48 illәrdә ABŞ-ın Hәrbi informasiya idarәsinin musiqi şöbәsinә rәhbәrlik etmişdir. Amerika simfonik musiqisinin yaradıcılarından biri vә 1940-cı illәrdә onun lideri olmuşdur. 13 simfoniya daxil olmaqla, 200-dәn çox әsәrin müәllifidir. Musiqi materialının “autogenetik” inkişaf konsepsiyasını işlәyib hazırlamışdır. 3№-li (1938, 2-ci redaksiyası 1939) vә 4 №-li “Folklor” (1940, 2-ci redaksiyası 1942) birhissәli simfoniyaları hәmçinin kvaziseriya texnikasında yazılmış 7 №-li (1952, 2-ci redaksiyası – 1955) simfoniyası geniş şöhrәt qazanmışdır.
