HÁRRİS, H e r r i s Zelliq Zabbettay (Sabbettay) (23.10.1909, Balta, indiki Ukrayna – 22.5.1992, Nyu-York) – Amerika dilçisi. ABŞ-da 1913 ildәn yaşamışdır. 1932 ildә Pensilvaniya Un-tini bitirmişdir. 1931–79 illәrdә hәmin un-tdә dәrs demiş, 1946 ildә ABŞ-da ilk ixtisaslaşdırılmış dilçilik kafedrasını tәşkil etmişdir. A.N.Çomski dә daxil olmaqla çox sayda tәlәbә yetişdirmişdir. Deskriptiv dilçiliyin nümayәndәsidir. 1940–50-ci illәrdә baxışlarına görә bu cәrәyanın әn ifrat tәrәfdarlarından biri olmuşdur. “Struktur dilçilikdә metodlar” kitabında [“Methods in structurallin guistics”, 1951; sonrakı nәşrdә “Struktur dilçilik” (“Structural linguistics”) adlanır] mәnaya müraciәt etmәdәn dilin bütün dillәr üçün ümumi olan formal seqmentasiya vә distributiv tәhlil metodları әsasında tәsvir edilә bilәcәyi fikrini irәli sürmüş vә dilә deşifrәlәmә yolu ilә yanaşmanı әsaslandırmışdır. Deskriptivistlәrin çoxunun razılaşmadığı semantikanın inkarı bu cәrәyan üçün daha ardıcıl mövqe olmuşdur ki, bu da sonralar generativ dilçilikdә saxlanılmışdır. 1950-ci illәrdәn H. deskriptivistlәrin az diqqәt yetirdiklәri sintaksisi öyrәnmәyә başlamış vә belә nәticәyә gәlmişdir ki, burada seqmentasiya vә distributiv tәhlil metodları kifayәt deyildir. Odur ki, bu metodlara әlavә olaraq, transformasiya yolu ilә sadә sintaktik quruluşdan daha mürәkkәb sintaktik quruluş yaratmağa әsaslanan transformasiya metodunu irәli sürmüşdür. Bu fikirlәr N.Çomski tәrәfin dәn inkişaf etdirilmişdir. 1970–80-ci illәrdә H. generativ dilçiliyә alternativ olan dilin bir sıra formal nәzәriyyәsini irәli sürmüşdür. Sami dillәrini tәdqiq etmişdir. Solçu siyasi publisist kimi dә tanınmışdır.
