HÁRRİSON Uilyam Henri (9.2.1773, Virginiya ştatı, Berkli – 4.4.1841, Kolumbiya dairәsi, Va şinq ton) – ABŞ-ın dövlәt vә hәrbi xadimi, ABŞ-ın 9-cu prezidenti. ABŞ prezidenti B.Harrisonun babasıdır. 1801 ildәn İndiana әrazisinin qubernatoru olmuş H. Tekumsenin başçılığı ilә hindi tayfaları ittifaqına qarşı hәrbi әmәliyyatlara rәhbәrlik etmişdir. İngiltәrә-Amerika müharibәsi (1812–14) zamanı gen.-mayor rütbәsindә ABŞ-ın şm.-q.-indәki Amerika ordularından birinin komandanı olmuşdur. 1813 il oktyabrın 5-dә ingilislәri vә onların tәrәfindә döyüşәn hindilәri Temsa yaxınlığındakı vuruşmada mәğlubiyyәtә uğratmışdır. 1816–19 illәrdә Ohayo ştatından Konqresin üzvü, 1825–28 illәrdә senator idi. 1828–29 illәrdә Kolumbiyada ABŞ-ın diplomatik nümayәndәsi olmuşdur. 1840 ildә keçirilәn prezident seçkilәrindә (viqlәr partiyasından namizәdliyini vermişdi) qalib gәlmişdir. 1841 ilin martında inauqurasiya zamanı soyuqlamış vә çox keçmәdәn vәfat etmişdir.
