HÁRROD Roy Forbs (13.2.1900, London – 9.3.1978, Norfolk qraflığı, Holt) – ingilis iqtisadçısı. Oksford Un-tini bitirmiş (1922) vә orada dәrs demişdir (1929–37, 1946–67). “The Economic Journal”ın redaktoru (1945–66) olmuşdur. 1959 ildә H.-a cәngavәr titulu verilmişdir. Böyük uğur qazanmış “İnternational economics” (1933; 4 dәfә nәşr edilmişdir) adlı ilk kitabında son hәdd xәrclәri anlayışından istifadә edәn H. beynәlxalq әmәk bölgüsünü әsaslandırmışdır. “The trade cycle” (1936) әsәrindә H. investisiya tәrәddüdlәrinin, tәmәl nemәtlәrin istehlakı vә istehsalının, onların bir-birinә qarşılıqlı tәsirinin tәhlilinә әsaslanaraq tsikl mexanizmini izah etmiş, ifrat multiplikator ideyasını (C.Hiks, P.Samuelson, A.Hansenin әsәrlәrindә inkişaf etdirilmişdir) irәli sürmüşdür. “Anessay in dynamic theory” (1939) vә “Towards a dynamic economics” (1948) әsәrlәrindә H. aqreqatlaşdırılmış makroiqtisadi göstәricilәri – mәcmu tәlәb vә gәlir, qәnaәt edilib yığılmış vәsait, investisiya vә s. – dinamikada (C.Keynsdәn fәrqli olaraq) tәdqiq etmişdir. Müharibәdәnsonrakı dövrdә H.-un nәzәri modeli (Harrod – Domar modeli) akademik dairәlәrdә qızğın müzakirәlәrә sәbәb olmuşdur. Beynәlxalq maliyyә problemlәrini tәdqiq etmiş, “Re for ming the world’s money” (1965) adlı kitabında belә bir fәrziyyә irәli sürmüşdür ki, növbәti dünya valyuta böhranının qarşısını almaq üçün qızılın qiymәtinin qaldırılması zәruridir. İqtisadiyyatın aktual problemlәrini daim diqqәtdә saxlayan H. B.Britaniyanın Avropa “Ümumi bazar”ına daxil olmasının әleyhinә idi.
Ə s ә r l ә r i: Doctrines of imperfect competition // Quarterly Journal of Economics. 1934. Vol. 48. № 3; The expansion of credit in an advancing community // Economica. New ser. 1934. Vol. 1. № 3; Economic essays. L.; N.Y., 1952; The prof: A personal memoir of Lord Cherwell. L., 1959; Money. L.; N.Y., 1969; Sociology, morals and mystery. L., 1971.
