HART Oliver (d. 9.10.1948, London) – ABŞ vә B.Britaniya iqtisadçısı, ABŞ Milli EA-nın üzvü (2016). Nobel mükafatı laureatı (2016; B. Holmström ilә birgә). Kembric Un-tini bitirmiş (1969), hәmin untdә vә London İqtisadiyyat Mәktәbindә çalışmışdır (1975–81; 1997 ildәn daimi dәvәt edilmiş prof.). 1984 ildәn ABŞ-a köçmüş, Massaçusets Texnologiya İn-tunda, 1993–2003 illәrdә Harvard Un-tindә dәrs demişdir. Sonralar Fransa, Danimarka, Çin vә digәr ölkәlәrin universitetlәri ilә әmәkdaşlıq etmişdir. H. natamam müqavilә nәzәriyyәsinin yaradıcılarından (S.Qrossman vә C.Murla birgә) biridir. Bu nәzәriyyәyә görә, qarşılıqlı әlaqәnin bütün aspektlәrini proqnozlaşdırmaq vә tәsvir etmәk mürәkkәb olduğu üçün bәzi mühüm detalları müqavilәyә daxil etmәk olmaz. Bu sәbәbdәn müqavilәnin reallaşdırılması prosesindә tәrәflәr әlavә danışıqlar aparır, lakin onların arasında mülkiyyәt hüquqlarının (qәrar qәbuletmәnin) bölüşdürülmәsi mühüm rol oynayır. Natamam müqavilә nәzәriyyәsi H. vә digәrlәri tәrәfindәn firma vә tәşkilatların (o cümlәdәn, birlәşmә vә udulmaya aid qәrarların) mahiyyәt vә hәddlәrinin, maliyyә müqavilәlәrinin, iflasolma vә özәllәşdirmә prosedurlarının öyrәnilmәsinә tәtbiq edilmişdir.
Ə s ә r l ә r i: The costs and benefits of ownership: a theory of vertical and lateral integration (with S. Grossman) // Journal of Political Economy. 1986. Vol. 94. № 4; Property rights and the nature of the firm (with J. Moor) // Ibid. 1990. Vol. 98. № 6; Firms, contracts, and financial structure. N.Y., 1995; Natamam müqavilә vә firma nәzәriyyәsi // Firmanın mahiyyәti / O.İ.Uilyamsonun, S.G.Vinterin redaktorluğu altında. M., 2001; Contracts as reference points (with J.Moor) // Quarterly Journal of Economics. 2008. Vol. 123. № 1.
