HÁRTLAYN (Hartline) Holden Keffer (22.12.1903, Pensilvaniya, ABŞ, Blumsberq – 17.3.1983, Merilend, ABŞ, Follston) – Amerika fizioloqu, neyrobioloq vә biofizik. ABŞ Milli EA-nın üzvü. London Cәmiyyәtinin әcnәbi üzvü. Nobel mükafatı laureatı (1967, İsveç neyrofizioloqu R.Qranit vә Amerika biokimyaçısı C.Uold ilә birlikdә). Baltimorda Cons Xopkins Un-tini bitirmiş (1927) vә 1927–29 illәrdә orada, 1929–31 illәrdә Leypsiq vә Münxen un-tlәrin dә tәcrübә keçmiş, 1943–49 illәrdә Pensilvan Un-tindә biofizika prof.-u, 1949–53 illәrdә Cons Xopkins Un-tindә biofizika prof.-u vә şöbә rәhbәri, 1953–74 illәrdә Rok feller Un-tindә (Nyu–York) biofizika prof.-u olmuş, 1975 ildәn tәqaüdә çıxmışdır. 30-cu illәrdә onurğalıların tor qişasının bir-birindәn tәcrid olunmuş neyronlarının funksional fәaliyyәtini neyrofizioloji cәhәtdәn öyrәnmişdir. Xüsusәn, daha çox mәşhur olan 40–50-ci illәrdә qılınc quyruqluların (buğumayaqlılar) gözündә tor qişanın qonşu fotoreseptorları arasında tormozlayıcı qarşılıqlı tәsir üzrә apardığı tәdqiqatlardır (digәrlәri ilә birlikdә).
Ə s ә r i: Studies on excitation and inhibition the retina. L., 1974.
