HÁSTİNQSİT [Kanadada Hastinqs yatağına görә] – mineral, NaCa2(Mg,Fe2+)4 (Al,Fe3+)(OH,F)2[Al2Si6O22]. Monoklinik sinqoniyada kristallaşır. Sütunvarı vә iynәvarı kristalları, dәnәvәr aqreqatları var. Rәngi yaşıl, göyümtül-yaşıl, yaşılımtıl-qәhvәyi, qәhvәyi, tünd göy vә qaradır. Şüşә – yarımmetal parıltılıdır. Sәrtliyi 5–6, sıxlığı 3120–3270 kq/m3-dir. Nefelinli siyenitlәr üçün sәciyyәvidir. Hәmçinin qranodioritlәrdә, kvarsdioritlәrdә vә dioritlәrdә rast gәlinir. Kontakt-metasomatik әmәlәgәlmәlәri skarnlarda bәzәn iri yığınlar әmәlә gәtirir. Yataqları: Hastinqs dairәsi (Kanada), Kola y-a (RF). Daşkәsәn r-nunun skarınların da H.-in daşkәsәnit adlandırılan növ müxtәlifliyi geniş yayılmışdır.
Qara hastinqsit.
