HÁUPTMAN (Hauptmann) Gerhart (15. 11.1862, Sileziya, Oberzaltsbrunn – 6.6. 1946 Aqnetendorf) – alman yazıçısı. Nobel mükafatı laureatı (1912). Alman naturalizminin әn ğörkәmli nümayәndәlәrindәn biridir. Breslavl realnı mәktәbindә, rәssamlıq liseyindә vә Yena un-tindә (1882–83) tәhsil almışdır. Şair kimi debütü 1880-ci illәrdә Berlindә olmuşdur. Yaradıcılığına E.Zolya vә H.İbsenin tәsiri olmuşdur. Sileziyanın boşalan kәndlәrinin vәziyyәtini әks etdirәn “Dan sökülәndә” (1889) pyesi ona şöhrәt gәtirmişdir. H. sosial-psixoloji pyeslәrindә (“Yal qızlar”, 1891; “Arabaçı Genşel”, 1898; Roza Bernd”, 1903 vә s.), “Mixael Kramer” (1901) faciәsindә naturalizm görüşlәrini inkişaf etdirmişdir. Tarixi mövzularda yazımış pyeslәri arasında әn mәşhur olan “Toxucular” (1892) sosial-tarixi dramı Sileziya toxucularının 1844 il üsyanından, “Qürub çağı” (1932) pyesi müasiri olduğu cәmiyyәtin әxlaq normalarından, “Qәrq olmuş zәng” (1896) dramı “fövqәlbәşәr” tәnha rәssamdan bәhs edir. Simvolizmә yaxın, fantastika vә folklor motivlәrindәn istifadә әsasında yazılmış “Zavallı Henrix” (1902), “Pippa isә rәqs edir!” (1906) vә s. nağılpyeslәrin müәllifidir. “Qunduz xәzindәn kürk” (1898) komediyası, “Ulu ananın adası” (1924), “Vanda” (1928) romanları, “Gәncliyimin sәrgüzәştlәri” (1937) avtobioqrafik әsәri, antik süjet әsasında yazılmış “Atridlәr” (1941–44) dramatik tetralogiyası var.
Ə s ә r l ә r i: Toxucular. B., 1933; Пьесы. М.,1999.
