HAVA (f i z i k a d a) – әsasәn azot vә oksigendәn ibarәt olan vә Yer atmosferini tәşkil edәn qaz qarışığı. Quru H. azot (78,08%), oksigen (20,95%), arqon (0,93%). karbon qazı (0,03%), az miqdarda tәsirsiz qazlar, hidrogen, ozon, azot oksidlәri, karbon oksidi vә mexaniki qarışıqlardan ibarәtdir. Hәr m3-dә bir neçә mln. kiçik hissәcik (toz) olur ki, bunlar da duman әmәlә gәtirir. H.-nın tәzyiqi 101325 Pa (760 mm c. süt. vә ya 1 atm.), 1 l-nin kütlәsi 1,2928 q-dır (0ºC-dә, dәniz sәviyyәsindә). Normal tәzyiqdә havanın qaynama temp-ru tәqr. 83 K, sındırma әmsalı – 1,00029, dielektrik nüfuzluğu – 1,000059, böhran temru – 140,7ºC, böhran tәzyiqi 3,7 MN/m2 (37,2 atm.). Sudan 400 dәfә yüngüldür. Əksәr hesablamalarda H.-nı ideal qaz hesab etmәk olar [H.-nın xassәlәri ideal qazın xassәlәrindәn sıxılma әmsalı ilә fәrqlәnir (0ºC-dә 1,00060-a bәrabәrdir)]. H.-nın istilik tutumu, özlülüyü vә istilikke çirmәsi tәzyiq vә temp-rdan әhәmiyyәtli dәrәcәdә asılıdır.
M e t e o r o l o g i y a d a – okean–quru–atm. sisteminin ani vәziyyәti; meteoroloji elementlәrin bu vә ya digәr mәcmusu ilә sәciyyәlәnir. Atm. proseslәrinin fasilәsiz olaraq dәyişilmәsinin nәticәsidir.
