HAVA-KOSMİK MÜDAFİƏ – havadan vә kosmosdan zәrbәlәr nәticәsindә silahlı qüvvәlәr qruplaşmalarının itki vermәsinin, ölkәnin iqtisadi vә digәr sahәlәrinә ziyan vurulmasının qarşısını almaq mәqsәdilә aparılan ümumdövlәt tәdbirlәri vә qoşunların hәrbi fәaliyyәti kompleksi. Ordunun ballistik raketlәrlә silahlandırılması vә kosmosun kәşfiyyat mәqsәdilә istifadә olunması H.-k.m.-nin yaranmasını zәruri etdi. Bununla әlaqәdar kosmik mәkana nәzarәt, raketlәrin startının kәşfiyyatı, onların uçuş zamanı aşkarlanması vә mәhv edilmәsi, kosmik obyektlәrin әlә keçirilmәsi vasitәlәri inkişaf etmәyә başladı. “H.-.k.m.” termini ilk dәfә 1968 ildә ABŞ-da işlәdilmişdir.










