HÁYEK Fridrix Avqust fon (8.5.1899, Vyana – 23.3.1992, AFR, Frayburq) – Avstriya vә B.Britaniya iqtisadçısı. Nobel mükafatı laureatı (1974, Q.Mürdal ilә birgә). 1923 ildә Vyana Un-tindә iqtisadiyyat üzrә doktorluq elmi dәrәcәsini almışdır. London İqtisad Mәktәbinin (1931–50), Çikaqo (1950–62) vә Frayburq (1962–68) un-t lәrinin prof.-u olmuşdur. Avstriya mәktәbinin aparıcı nümayәndәsidir. Klassik liberalizm tәrәfdarı olan H. azad bazarı dәstәklәmiş vә açıq cәmiyyәt dәyәrlәrini müdafiә etmişdir. Sosializm vә 20 әsrdә tәşәkkül tapmış iqtisadiyyatın dövlәt tәrәfindәn tәnzimlәnmәsi sistemini, hәmçinin keynsçiliyi tәnqid etmişdir. Norma vә institutları tәkamül prosesinin nәticәsi hesab edirdi; bazar iqtisadiyyatını öz mәnafelәrini qoruyan vә bazar siqnallarına cavab olaraq hәrәkәt edәn fәrdlәrin qarşılıqlı fәaliyyәti nәticәsindә spontan yaranan ardıcıllıq kimi şәrh etmişdir. H.-ә görә, iqtisadi böhran vә inflyasiya bazarı koordinasiyası prosesindә iqtisadiyyatı stimullaşdırma siyasәtindәn törәyәn pozuntuların nәticәsidir.
Ə s ә r l ә r i: Geldtheorie und Konjunkturtheorie. W., 1929; The Road to serfdom. L., 1944; Law, legislation and liberty. L.; Chi., 1973 – 1979. Vol. 1 – 3; The Fatal conceit: The errors of socialism. L.; Chi., 1989.
