HEBÉY – Çinin şm.-ş. hissәsindә әyalәt. Sah. 190 min km2. Əh. 75 mln. (2020). İnz.m. Şiszyaçjuan ş.-dir. Ərazisinin çox hissәsi Böyük Çin düzәnliyindәdir; q.-indә Tayxan şan, şm.-ında vә şm.-q.-indә Yanşan, Lyaosi d-rı (hünd. 1500–2000 m) yerlәşir. Çay şәbәkәsi sıxdır.
Tәsәrrüfat. Çinin sәnaye mәrkәzlәrindәn biri olan әyalәtdә kömür (Kaypin, Luansyan, Fınfın), dәmir filizi (Uan, Luanyan), neft (Huabey yatağı), mis filizi (Çende r-nu) vә duz (Boxayvan körfәzinin sahilindә) çıxarılır. Qızıl mәdәnlәri var. Qara vә әlvan metallurgiya, çoxsahәli maşın qayırma (o cümlәdәn energetika, filizmәdәn, nәql., metallurgiya, neft avadanlığı vә k.t. maşınlarının istehsalı), tekstil, çinisaxsı, әczaçılıq, kimya, yeyinti sәnayesi inkişaf etmişdir. Elektronika vә tikinti materialları istehsal olunur. H. ölkәnin mühüm әkinçilik rayonudur. Buğda, qarğıdalı, qaolyan, darı, çәltik, soya, yerfındığı, küncüd, kenaf vә pambıq becәrilir. Tütünçülük, tәrәvәzçilik vә bağçılıq inkişaf etmişdir; dәrman bitkilәri tәdarük olunur. Qaramal, qoyun, donuz yetişdirilir. Sahilboyu әrazilәrdә quşçuluq vә balıqçılıq inkişaf etmişdir.
