HELİKON – H intensivlikli sabit maqnit sahәsinә yerlәşdirilmiş elektrik keçiricilәrindә (metallar, yarımkeçiricilәr, plazma) yaranan vә yavaş-yavaş zәiflәmәklә yayılan aşağı tezlikli elektromaqnit dalğası. H. müxtәlif konsentrasiyalı yükdaşıyıcılara (mәs., n1 konsentrasiyalı elektronlara vә n2 konsentrasiyalı deшiklәrә) malik keçiricilәrdә Holl effekti hesabına yaranır. H.-un w tezliyinin onun λ dalğa uzunluğundan asılılığı belә ifadә olunur:
burada e – elektronun yükü, c – işıq sürәti, – dalğanın yayılma istiqamәti ilә maqnit sahәsi arasındakı bucaqdır. H., H intensivlik vektoruna perpendikulyar müstәvidә elliptik polyarizasiya olunub, elektrik sahәsi vektoru E isә H vektoru әtrafında, üstünlük tәşkil edәn yükdaşıyıcıların hәrәkәti istiqamәtindә fırlanır.
