HELİOTROP (Heliotropium) – göyzәban kimilәr fәsilәsindәn bitki cinsi. Kollar, yarımkollar vә otlardır; yarpaqları bütöv vә növbәlidir. Çiçәklәri xırda, ağ, sarı, yaxud bәnövşәyi, çox vaxt әtirli, bәzәn zәhәrli, alkaloidli olur; tәpә qıvrım çiçәk qrupunda bitişikyarpaqlı tacı vә kasacığı var. 4 lәpәyә ayrılan meyvәlәri fındıqcadır. Yer kürәsinin tropik, subtropik vә mülayim isti vilayәtlәrindә tәqr. 250 növü mәlumdur. Ən çox mәlum olan Avropa H.-u (H. europaeum) bir illik alaq ot bitkisi olub, tükcüklü gövdәsinin hünd. 20–40 sm-dir; tarla vә otlaqlarda, bağ vә bostanlarda, әsasәn qumlu vә gilli torpaqlarda bitir; kökü vә toxumları hey vanlar üçün zәhәrlidir (tәrkibindә qıcolmaya sәbәb olan alkaloid var). Peru H.-u (H. peruvianum) yarımkolunun vәtәni Perudur; dekorativ bitki kimi (otaq vә bağ) becәrilir. Bu növün tәzә çiçәklәrindәn alınan vanil әtirli cövhәr homeopatiya zamanı istifadә edilir.
Avropa heliotropu (H. europaeum).
