HEMATOKSÍLUM (Haematoxylon) – paxlalılar fәsilәsindәn (sezalpiniyakimilәr yarımfәsilәsi) bitki cinsi. Yeganә növü hünd. 12 m-әdәk olan hamar qabıqlı, lәlәkvarı yarpaqlı vә salxım çiçәk qrupunda toplanmış xırda sarı çiçәkli kampeş vә ya sәndәl ağacıdır (H. campeschianum). Mәrkәzi Amerika vә Antil a-rında bitir. Tropiklәrdә becәrilir. Özәkli cavan oduncağı әvvәl açıq-qırmızı olur, daha sonra göyәrir vә sürmәyi (qaraya çalan bәnövşәyi) rәng alır. Tәrkibindә olan hematoksilindәn hüceyrә nüvәlәrinin boyanması üçün histoloji preparatlarda vә yun, ipәk, pambıq boyamaq üçün ekstraktın alınmasında istifadә edilir. Oduncağı hәmçinin aşı maddәlәri ilә zәngindir, bundan alınan dәmlәmәlәr vә ekstraktlardan (büzücü tәsirli) xalq tәbabәtindә istifadә edilir. Kampeş ağacı mebel vә parket materialı kimi yüksәk qiymәtlәndirilir. Qabıqlarının şirәsindәn sürmәyi rәngli Çin mürәkkәbi alınır.
Sәndәl ağacı (haematoxylon campechianum).
