HEMİANOPSÍYA (yun. ήμι – yarım + α... +... yun. θψις – görmә), h e m i a n o p i y a – hәr iki gözün görmә sahәsi yarısının düşmәsi (yarı korluq). Xiazmanın (görmә siniri çarpazının) vә (vә ya) ondan yuxarı görmә yolunun zәdәlәnmәsi zamanı inkişaf edir. H. perimetriya (görmә sahәsinin müayinәsi) ilә aşkar edilir. O, mәrkәzi sinir sistemi xәstәliklәrinin yerli diaqnostikasında mühüm әhәmiyyәtә malikdir. H. xiazmanın zәdәlәnmәsi zamanı baş verәn vә bir gözün görmә sahәsinin sağ yarısının, digәrinin isә sol yarısının qüsuru ilә meydana çıxan heteronim (müxtәlif adlı) vә xiazmadan yuxarı görmә yolunun zәdәlәnmәsi zamanı baş verәn vә görmә sahәsinin sol vә sağ yarısının qüsuru ilә sәciyyәlәnәn homonim (eyni adlı) ola bilәr.
S ә b ә b l ә r i : kәllәdaxili şişlәr, baş beyindә qan dövranının pozulması, beyin qan axmaları, kәllә-beyin travmaları vә s. M ü a l i c ә s i : H.-nı törәdәn sәbәbin aradan qaldırılması.
