HENŞ Teodor Volfqanq (d.30.10.1941, Almaniya, Heydelberq) – alman fiziki. Nobel mükafatı laureatı (2005; lazer spektroskopiyasının inkişafındakı xidmәtlәrinә görә). Münxendә Maks Plank Cәmiyyәtinin Kvant Optikası İn-tunun direktoru, Lüdviq Maksimilian Untinin prof-u. 1960 ildә Heydelberq Un-tindә doktorluq dәrәcәsini almış, 1975–86 illәrdә Kaliforniyada Stenford Un-tinin prof.-u olmuşdur. 1970 ildә yüksәk spektral imkanlı işıq impulsları yaradan yeni lazer tipi ixtira etmiş, bu cihazın kömәyilә atomar hidrogenin Balmer xәtlәrinin keçid tezliyini әvvәlkindәn daha yüksәk dәqiqliklә ölçmüşdür. Onun tәlәbәlәrindәn biri K.Vieman 2001 ildә fizika üzrә Nobel mükafatı alıb. H., Leybnits mükafatı (1989), Komstok mükafatı (1983), kvant elektronikası vә optikası sahәsindә mükafat (2001) vә digәr mükafatlara layiq görülmüş, A.Maykelson medalı (1986), Matteuççi medalı (2001), F.Ayvz medalı (2005) vә başqa medallarla tәltif edilmişdir.
