HEPBÖRN (Hepburn) Odri (Odri Edda Ketlin Hepburn-Ruston) (4.5.1929, Belçika, İksel – 20.1.1993, İsveçrә, Toloşna) – Amerika kinoaktrisası. 1945 ildә Arnheym konservatoriyasını (balet üzrә) bitirmişdir. Kinoya 1948 ildәn çәkilmәyә başlamışdır (“Holland dilini yeddi dәrsә öyrәnmәk”). Avropa filmlәrindәki (“Gәnc xanımlar haqqında povest”, “Monte-Karlolu balaca”, “Qapalı adamlar”) uğurlu rollarından sonra ABŞ-a dәvәt olunmuşdur. Burada o, A.C.Ler ner vә F.Lounun “Jiji” Brodvey müziklında baş rolda çıxış etmiş vә rej. U.Uaylerin ona dünya şöhrәti gәtirmiş “Roma tәtillәri” (1953, “Oskar” mükafatı) filmin dә çәkilmişdir. “Sabrina”, “Hәrb vә sülh”, “Mәzәli sifәtli qadın”, “Gündüz çağı mәhәbbәt”, “Rahibәnin tarixçәsi” (Beynәlxalq San-Sebastyan kinofestivalının Qran-pri mükafatı) filmlәrindә 1950-ci illәr üçün yeni olan ideal qadın obrazını yaratmışdır. “Yaşıl qәsrlәr”, “Bağışlanmamış”, “Mәnim gözәl ledim” filmlәrindәki rolları böyük tamaşaçı rәğbәtini qazanmışdır. “Tiffani”dә sәhәr yemәyi”, “Şarada”, “Paris yağış altında”, “Yolda iki nәfәr” filmlәrindә H. öz qәhrәmanlarını yeni psixoloji vә dramatik çalarlarla zәnginlәşdirmişdir. “Milyonu necә oğurlamaq” filmindә onun komik aktrisa istedadı üzә çıxmışdır. Brodvey teatrlarında oynamışdır (әn yaxşı işi J.Jirodunun “Undina” dramındakı baş roludur). 1950-ci illәrdәn BMT-nin Uşaq fondu ilә әmәkdaşlıq etmişdir. “Qremmi” mükafatına layiq görülmüşdür (1993, ölümündәn sonra).
