HEREFORD QARAMALI – әtlik istiqamәtli iribuynuzlu qaramal cinsi. 18–19 әsrlәrdә B.Britaniyanın Herefordşir qraflığında tez böyümәsi, diri kütlәsinin vә kәsim çıxarının artırılması istiqamәtindә yerli qaramalın seleksiya yolu ilә yetişdirilmәsi. Rәngi qırmızıdır; başı, döşün altı, qarnın alt vә ayaqların aşağı hissәlәri, quyruq fırçası vә peysәrdәn cido vadәk ağdır. Bәdәn quruluşu yığcam, sinәsi dәrin vә enli, boynu vә ayaqları qısadır. H.q.-nın hәtta törәdici buğaları sakit temperamentlidir, inәklәrdә analıq instinkti güclüdür. Heyvanların saxlanmasında iri buynuzlar narahatlıq törәdir, 19 әsrin sonlarında ABŞ-da H.q.- nın buynuzsuz tipi yaradılmışdır. İnәklәrinin diri kütlәsi 550–580 kq, buğalarınkı isә 850–900 kq-dır. Kәsim çıxarı 56–60%-dir. Anadan ayırma zamanı buzovun diri kütlәsi 200–220 kq-dır. Tәmiz qanlı yetişdirmә tәtbiq olunur. Cins qaramalın çoxaldılmasında, sәnaye vә digәr çarpazlaşmalarda istifadә edilir. H.q.-nın iştirakı ilә ağbaş Qazax. qaramalı, braqnus, bifmaster vә s. qaramal cinslәri yaradılmışdır. H.q. dünyada әn çox yayılmış әtlik cinslәrdәndir.
Hereford qaramalı.
