HERŞİ Alfred Dey (Alfred Day Hercheu) (4.12.1908, Ovosso – 22.05.1997, Sayosset) – Amerika bakterioloqu vә genetiki. Fiziologiya vә tibb üzrә Nobel mükafatı laureatı (Maks Delbrük vә Luriya Salvador ilә birlikdә, “virusların genetik strukturuna vә replikasiya mexanizminә aid kәşfinә görә”, 1969). Herşi-Çeyz eksperimenti biologiya tarixindә genetik informasiyanın DNT-dә olduğunu sübut edәn klassik eksperimentdir. Eksperiment 1952 ildә Amerika genetiklәri Alfred Herşi vә Marta Koulz Çeyz tәrәfindәn aparılan tәcrübәlәr seriyasından ibarәtdir. DNT-nin hәlә 1869 ildәn mәlum olmasına baxmayaraq, eksperimentә qәdәr bir çox alim irsi informasiyanın zülallarda olduğunu söylәyirdilәr. 1962–74 illәrdә H., Gold Spring Harborda Karnegi İn-tunun genetik tәdqiqatlar şöbәsinә rәhbәrlik etmişdir. Albert Lasker mükafatı (Amerika Milli Sağlamlıq Cәmiyyәti, 1958); genetika üzrә Kimber mükafatı (Milli Elmlәr Akademiyası, 1965) laureatı, Amerika Mikrobioloqlar Cәmiyyәtinin, MEA-nın vә Amerika İncәsәnәt vә Elm Akademiyasının fәxri üzvü, 1970 ildәn Miçiqan Un-tinin fәxri doktoru olmuşdur.
