HERTSBERQ Gerhard (25.12.1904, Hamburq − 3.3.1999, Ottava) − Kanada fiziki vә fiziki-kimyaçısı. Nobel mükafatı laureatı (1971). Darmştadtda Ali Texniki Mәktәbi bitirmişdir (1928). Göttingen (1928−1929) vә Bristol (1929−30) un-tlәrindә, Darmştadtda Ali Texniki Mәktәbdә (1930−35) işlәmişdir. 1935 ildә Kanadaya köçmüşdür. Saskaçevan (1935−45) vә Çikaqo (1945−48) un-tlәrinin prof.-ru olmuş, 1949 ildәn Kanadanın Ottavadakı Milli Elmi-Tәdqiqat Şurasında (1955 ildәn fundamental fizika şöbәsinin direktoru) işlәmişdir. Kanada Kral Cәmiyyәtinin üzvü (1939) vә onun prezdenti (1966−67) olmuşdur. Kanada fiziklәr assosiasıyasının (1956− 57), Beynәlxalq Nәzәri vә Tәtbiqi Fizika İttifaqının prezidenti (1957−63) olmuşdur. Əsas işlәri atom vә molekulyar spektroskopiyaya hәsr edilmişdir. İkiatomlu molekulların spektrlәrini öyrәnmişdir (1929−30). Oksigen molekulunun dissosiasiya enerjisini tәyin etmişdir (1930). Molekulların vә sәrbәst radikalların elektron spektrlәrini, elektron quruluşlarını, hәndәsәsini öyrәnmişdir (1932−35). Planetlәrin, kometlәrin atmosferlәrindәki vә ulduzlararası fәzadakı molekulları identifikasiya etmәk üçün spektroskopik tәdqiqatlardan istifadә etmişdir; o cümlәdәn, kvadrupol udulma spektri ilә planetlәrin atmosferindә molekulyar hidrogeni aşkar etmişdir (1933−35). Fasilәsiz vә impuls fotoliz vә s. üsullarından istifadә edәrәk 30-dan artıq sәrbәst radikalın spektrlәrini tәtqiq etmişdir (1950−70).
