HESİÓD (Hesiodos) (? Eolida-Kim –?) – qәdim yunan şairi (e.ә. 8–7 әsrlәr); adı bәlli ilk qәdim yunan şairidir. Əkinçiliklә mәşğul olan kәndli ailәsindә doğulmuşdur. Sonradan ailәsi Yunanıstanın içәrilәrinә doğru, Beotiyaya köçmüşdür. Kiçik yaşlarından әkinçiliklә mәşğul olmuşdur. Əsas әsәri sayılan heksametr vәznindә yazılmış “Zәhmәtlәr vә günlәr” didaktik poemasında әkinçi әmәyinin tәrәnnümü ilә yanaşı, öyüd vә nәsihәtlәr, hәmçinin müәyyәn tәbәqәlәrin öz başnalığına qarşı etiraz әksini tapmışdır. Poemada tәbiәt tәsvirlәri, ilin bütün fәsillәrindә k.t. işlәrinә dair әmәli mәslәhәtlәr әhәmiyyәtli yer tutur. “Teoqoniya” (Allahların şәcәrәsi”) poeması, ümumiyyәtlә, Kainata vә insan mәişәtinә dair yunan әsatirlәrini sistemlәşdirmәk sahәsindә ilk tәşәbbüsdür. Müasir dövrümüzә gәlib çatmayan, yalnız adları mәlum olan digәr әsәrlәri dә var (“Qadınların kataloqu”, “Eoya”, 480 şeirdәn ibarәt “Herakl” poeması, “Melampodiya”, “Fetida vә Peleyin toyu” vә s.).
Ə s ә r l ә r i: Zәhmәtlәr vә günlәr. Parçalar. “Antik әdәbiyyatı müntәxәbatı” kitabında. B., 1950; Работы и дни, в кн.: Эллинские поэты. М., 1963.
Əd.: S u l t a n l ı Ə. Antik әdәbiyyatı tarixi. B., 1958; Античная литература. М., 1986.
