HESS Valter Rudolf (17.3.1881, Frauenfeld – 12.8.1973, Sürix) – İsveçrә fizioloqu. Nobel mükafatı laureatı (1949, A.Monişlә birlikdә). Tibbi, Lozanna, Bern, Kil, Berlin vә Sürix un-tlәrindә öyrәnmişdir (1900–05). Tibb doktoru (1906). Əmәkdar prof. (1951). 1913–17 illәrdә Sürix vә Bonn un-tlәrindә fiziologiyadan dәrs demişdir. 1917–51 illәrdә Sürix Untinin Fiziologiya İn-tunun fizilogiya üzrә prof. vә direktoru olmuşdur. Vegetativ, davranış vә hәrәki reaksiyaların hәyata keçirilmәsindә aralıq beynin inteqrativ rolunu göstәrmişdir. Müәyyәn gücә malik cәrәyan impulsları ilә subtalamik nahiyәni qıcıqlandırmaqla heyvanlarda yuxulu vәziyyәt törәtmişdir. Parasimpatik sinir sisteminin hәlledici rolu zamanı yuxunun qabıqaltı mexanizmlәri nәzәriyyәsini irәli sürmüşdür. Ayıq qalan heyvanlarda bir sıra strukturların elektrik qıcıqları vә pozulmanın kömәyi ilә aralıq beyindә “qızışma” vә “qorxu” emosiyalarının topoqrafik yerini müәyyәn etmişdir (1948).
Ə s ә r l ә r i: Das Zwischenhirn. Syndrome, Lokalisationen, Funktionen, 2 Aufl., Basel, 1954; The functional organization of the diencephalon, N. Y., 1957; Hypothalamus und Thalamus, Stuttg., 1956; The bology of mind, Chi. – L., 1964.
