HÉSSE German (2.7.1877, Almaniya, Kalv – 9.8.1962, İsveçrә, Montanyola) – alman yazıçısı. Nobel mükafatı laureatı (1946). Keşiş ailәsindә doğulmuşdur. Maulbron seminariyasında tәhsilini yarımçıq qoyduqdan sonra müxtәlif peşәlәr dәyişmişdir; bir neçә il Tübingen kitab ticarәti şirkәtindә işlәmişdir. 1899 ildә Bazelә köçmüş, neoromantizm ruhunda yazdığı әsәrlәri әdәbi debütü olmuşdur: “Romantik nәğmәlәr” poetik toplusu, “Gecә saat birdә” qısa hekayә vә mәnzum şeirlәr toplusu (hәr ikisi 1899), “Herman Lauşerin ölümündәn sonra әldә olunan әsәrlәri vә şeirlәri” (1901) kitabı, “Peter Kamensind” (1904) romanı vә s. Qismәn avtobioqrafik sәciyyәli “Tәkәrlәr altında” (1906) povesti H.-yә şöhrәt qazandırmışdır. 1911 ildә Hindistana sәyahәt etmişdir. 1912 ildәn İsveçrә dә yaşamış, 1923 ildә ölkәnin vәtәn daşlığını qәbul etmişdir. Birinci dünya müharibәsi illәrindә hәrbә qarşı çıxmış, “Knulp” (1915) povestini, “Kimsәsiz adamın musiqisi” (1915) mәnzum toplusunu vә s. әsәrlәrini o dövrә hәsr etmişdir. “Demian” (1919) romanında psixoanalizә dair görüşlәri, “Kleyn vә Vaqner” (1919), “Klinqsorsun sonuncu yayı” (1920), “Siddhartha” (1922) povestlәrindә Şәrq ölkәlәrinin dini mәdәniyyәtinә vә fәlsәfәsinә olan maraq öz bәdii ifadәsini tapmışdır. Kütlәvi mәdәniyyәtә, saxta әxlaqa qarşı mübarizә aparan tәnha qәhrәmandan bәhs edәn “Çöl canavarı” (1927) romanı müvәffәqiyyәt qazanmışdır. “Şәrq ölkәsinә ziyarәt” (1932) alleqorik povestindә mәnәvi birlik vә qardaşlıq ideyası öz ifadәsini tapmışdır. “Muncuq oyunu” (1943) fәlsәfi-utopik romanı dolğun, mürәkkәb bәdiiliyi vә simvolizmi ilә seçilir. Tәnqidi esse vә publisistik mәqalәlәri var. Əsәrlәri bir çox dilә tәrcümә edilmişdir.
Ə s ә r l ә r i: Поломничество в страну Востока. Игра в бисер. Рассказы. М., 1984; Собр.соч., в 8 т. М.; Хар., 1994–1995.
Əd.: Каралашвили Р. Мир романа Г. Гессе. Тб., 1984; А в е р и н ц е в С.С. Г. Гессе // Аверинцев С.С. Поэты. М., 1996.
