HÉVEŞ (Heves) – Macarıstanın şm.-ında medye. Sah. 3,6 min km2. Əh. 296,9 min (2017). İnz. m. Eger ş.-dir. Şm. hissәsi Matra vulkanik massivi vә Bükk d-rının q.-indәn, c. hissәsi isә düzәnlikdәn ibarәtdir. İqlimi kontinentaldır. Qışı nisbәtәn mülayim (orta temp-r yanvarda –2-dәn –4°Cdәk), yayı istidir (orta temp-r iyulda 20–22°C). Yağıntının illik miqdarı 800–900 mm dağlarda, 450–500 mm düzәnlikdәdir. Qonur kömür vә liqnit, Matra d-rında polimetal filizlәri çıxarılır. D.y. avadanlığı, inşaat materialları, qablaşdırma mәmulatı, alüminium borular vә s. istehsal olunur. Yeyinti sәnayesi var. Buğda, qarğıdalı, arpa, vәlәmir, kartof, texniki bitkilәrdәn şәkәr çuğunduru vә tütün әkilir, dağların c. yamaclarında üzümlüklәr (şәrab başlıca ixracat mәhsuludur) salınmışdır. Heyvandarlıq inkişaf etmişdir. Dağlarda balneoloji kurortlar var.
