HEVEŞİ Dyord (1.8.1885, Budapeşt – 5.7.1966, Freyburq – macar fiziki-kimyaçısı vә radio-kimyaçı), Nobel mükafatı laureatı (1943). Bu dapeşt Un-tini bitirmişdir (1908). Sürix Untindә, Karls ruedә Ali Texniki Mәktәbdә F.Haberin laboratoriyasında, Mançester Un-tindә E.Rezerfordun yanında (1911–13) işlәmişdir. Kopenhagen (1920–26; 1934–43), Freyburq (1926–34) vә Stokholm (1943 ildәn) Un-tlәrinin prof.-u olmuşdur. Əsas tәdqiqatları radiokimya sahәsindәdir. Hәr hansı elementin izotoplarının kimyәvi eyniliyi ilә bağlı nәticәyә gәlmiş ilk alimlәrdәndir. F.A.Panetlә birlikdә izotop indikatorlar üsulunu tәklif etmişdir. Sürüşmә qaydası vә ya radioaktiv yerdәyişmә qanununun formalaşdırılmasında fәal iştirak etmişdir. Hafnium elementini kәşf etmiş (D.Kosterlә birlikdә) vә onun sirkoniumun analoqu (oxşarı) olmasını sübut etmişdir. Bitkilәrdә qurğuşunun paylanmasını öyrәn mәk üçün biologiyada ilk dәfә radioaktiv indikator (radium D) tәtbiq etmişdir. İzotop duzlaşdırma (1932), Q.Levi ilә birlikdә neytron-aktivlәşdirmә (1936) analiz üsullarını işlәyib hazırlamışdır. Canlı orqanizmlәrdә su balansının tәyinindә ağır suyun istifadә edilmәsinin mümkünlüyünü göstәrmişdir.
