HÉVİSAYD (Heaviside) Oliver (18.5.1850, London – 3.2.1925, Torki) – ingilis fiziki. London Kral Cәmiyyәtinin üzvü (1891). Mәktәbi bitirdikdәn sonra (1866) Nyukaslda teleqraf kompaniyasında işlәmişdir; karlığı getdikcә artdığına görә mәcburi olaraq 1874 ildә işini atmış vә elektrik nәzәriyyәsi ilә sәrbәst mәşğul olmuşdur. Bir- vә ikinaqilli xәtlәrdә elektromaqnit rәqslәrinin yayılmasını öyrәnmiş, elektromaqnit enerji selinin sıxlıq vektorunu elmә daxil etmiş (C.H.Poyntinq vә N.A.Umovdan asılı olmadan), siqnalların uzaq mәsafәlәrә ötürülmәsi nәzәriyyәsini yaratmışdır. 1902 ildә A.E.Kennellidәn asılı olmadan göstәrmişdir ki, atm.-dә elektromaqnit dalğalarını әks etdirәn ionlaşmış qat mövcuddur (Hevisayd – Kennelli qatı). H.-ın elektrik nәzәriy yәsinә aid işlәrindәki (1892) ideyaların әhәmiyyәtinә çox gec qiymәt verilmişdir. Mәs., o göstәrmişdir ki, yüklәnmiş zәrrә ciyin kütlәsi sürәtdәn asılı olaraq dәyişir. Fizikada vә başqa elmlәrdә sonralar geniş tәtbiq edilәn әmәliyyat hesabını ilk dәfә H. işlәyib hazırlamışdır.
