HEYBƏTOV Əşrәf Nәzir oğlu (d.18.2.1951, Bakı) – Azәrb. rәssamı. Azәrb. Resp. xalq rәssamı (2018). Azәrb. Dövlәt İncәsәnәt İn-tunu (1979) bitirmişdir. 1995 ildәn Almaniyada yaşayır. Rәngkarlığın müxtәlif janrlarında çalışan H.-un yaradıcılığı Azәrb.-la sıx bağlıdır. Əsәrlәrinin әsas mövzusu folklordan, klassik Azәrb. poeziyası vә musiqisindәn (muğamla bağlı 30-dan çox әsәri var), müasir hәyatdan götürülmüşdür (“Salam, Azәrbaycan”, “Bayram xonçası”, “Kәsmә şikәstә”, “Bayram”, “Xalça yumağa gedәn qadın”, “Dastan”, “Bakı haqqında xatirәlәr”, “İçәri şәhәr” vә s.). Yaradıcılığında tez-tez sәma atributlarına – aya, günәşә müraciәt olunur (“Ay batandan sonra”,”Ay parçası” vә s.). Nizami poeziyasına hәsr olunmuş silsilә әsәrlәrin, “Azәrb. süitası” nın, “Torpağın bayramı” kompozisiyasının müәllifidir. H.-un әsәrlәri üçün reallıqla sәnәtkar tәxәyyülünün vәhdәtindәn yaranan romantik üslub sәciyyәvidir. Bakıda (2013) vә dünyanın bir çox şәhәrindә (Moskva, 1981; Cenevrә, 2006; Strasburq, 2007; “Brüssel, 2008; Berlin, 2010; Ankara, 2011 vә s.) fәrdi sәrgilәri keçirilmişdir.
Heybәtov Ə. “Salam, Azәrbaycan”.
