HÉYDENSTAM Heidenstam Karl Qustav Verner fon (6.7.1859, Olshammar, 20.5. 1940, Evralid) – İsveç yazıçısı. İsveç akademiyasının üzvü (1912). Nobel mükafatı laureatı (1916). Zabit ailәsindә doğulmuşdur. Yaradıcılığına A.Strendberqin tәsiri olmuşdur. Neoromantizmin görkәmli nümayәndәlәrindәn biridir. Şair kimi әdәbi debütü “Zәvvarlıq vә sәyahәt illәri” (1888) toplusu ilә olmuşdur. “Şeirlәr” (1895), “Xalq” (1899), “Yeni şeirlәr” (1915), “Şabalıdlar çıçәk açanda” (nәşri 1941) adlı poetik topluların, simvolizm poetikasına yaxın “Endimon” (1889) vә “Hans Alyenus” (1892) romanlarının müәllifidir. “Renessans” (1889) mәqalәsindә vә “Pepitanın toyu” (1890, O. Levertinlә birlikdә) pamfletindә naturalizmә qarşı çıxmış, azad yaradıcı tәxәyyülü müdafiә etmişdir. “XII Karlın әsgәrlәri” (1897–98) hekayәlәr silsilәsi, “Müqәddәs Georgi vә әjdaha (1900) novellası, “Müqәddәs Brigittanın ziyarәti” (1901), “Folkunqların şәcәrәsi” (1905–07) roman-dilogiyası İsveç tarixinә hәsr olunmuşdur.
