HEYDƏRABÁD – Pakistanda, Sind әyalәtindә şәhәr. Əh. 1,7 mln. (2017). Hind çayı sahilindәdir. İri d.y. vә avtomobil yolları qovşağı, çay portu. 1768 ildә Hind çayının aşağı axarında Neroon Kot balıqçı kәndinin yerindә Kalhor sülalәsindәn olan Sind hökmdarları tәrәfindәn әsası qoyulmuşdur. Şәhәrin yaxınlığında Hind sivilizasiyasına aid qazıntı yerlәri mövcuddur. H.-ın memarlıq abidәlәri B.Britaniyaya qarşı azadlıq mübarizәsi vә 1980-ci illәrdә hökumәt әleyhinә üsyanlar zamanı mәhv edilmişdir. H.-ın yerli memarlıq üslubu regionun iqlim xüsusiyyәtlәrini әks etdirir. Ənәnәvi olaraq çiy kәrpicdәn tikilәn binalar yayda sәrin, qışda isti olur. Nisbәtәn mürәkkәb quruluşlu evlәrin daxili hәyәtlәri, qapı vә pәncәrә yerlәri gül-çiçәk motivlәri ilә bәzәdilmişdir. Britaniya müstәmlәkәçiliyi dövründә inşa edilmiş evlәri hündür vә çox seksiyalı vitrajlı pәncәrәlәr fәrqlәndirirdi. Bir qayda olaraq taxta vә ya çuqundan hazırlanan eyvanlar bәzәn binanın fasadına bәrkidilirdi. Heydәrәbad qalası şәhәrin simvoludur (1768). Şәhәrin şm. hissәsindә Hirabadda Kalhor vә Talpur sülalәsi hökmdarlarının türbәlәri, hәmçinin sonuncu H. hökmdarı Mir Nasir Xan Talpurun sarayı yerlәşir. İsr (1997), Tikinti, incәsәnәt, elm vә texnika (2004) un-tlәri vә Mәdәniyyәt, elm vә texnika (2001) in-tu; o cümlәdәn Sind (1947), Milli müasir dillәr (1969) un-tlәri; Sind muzeyi (1971) fәaliyyәt göstәrir. Zoologiya bağı (1861 ildә Botanika bağı kimi yaradılmışdır). H. iri ticarәt vә sәnaye mәrkәzidir. Pambıq parça, tikiş, sement, dәri-ayaqqabı, kimya, şüşә, yeyinti, tütün, maşınqayırma (o cümlәdәn k.t. vә elektrotexnika) vә metal emalı sәnayesi inkişaf etmişdir. Xalçaçılıq, әl toxuculuğu, dulusçuluq, qiymәtli vә yarımqiymәtli zәrgәrlik mәmulatlarının kustar istehsalı yayılmışdır.
Heydәrabad (Pakistan). Talpur sülalәsi hökmdarlarının türbәlәri.
