HEYDƏROV Arif Nәzәr oğlu (28.6.1926,Ağdaş ş. – 29.6.1978, Bakı) – Azәrb. dövlәt xadimi, daxili xidmәt gen.-l. (1971). Dövlәt tәhlükәsizliyi orqanlarının fәxri әmәkdaşı (1967), SSRİ Daxili İşlәr Nazirliyinin әmәk dar işçisi (1970). 1948 ildәn Sov. İKP üzvü. 1957 ildә Azәrb. Dövlәt Un-tinin tarix fakültәsini bitirmişdir. Böyük Vәtәn müharibәsinin (1941–45) iştirakçısı olmuş; Berlinәdәk döyüş yolu keçmişdir. 1967 ilәdәk Azәrb. SSR Nazirlәr Soveti yanında Dövlәt Tәhlükәsiziliyi orqanlarında xidmәt etmişdir. 1967–70 illәrdә SSRİ-nin Türkiyәdәki sәfirliyindә konsul vәzifәsindә çalışmışdır. 1970 ildәn Azәrb. SSR daxili işlәr naziri idi. Xidmәti vәzifәsini yerinә yetirәrkәn faciәli surәtdә hәlak olmuşdur. Azәrb. SSR Ali Sovetinin (8–9-cu cağırış) deputatı olmuşdur. Qırmızı Bayraq, “Şәrәf nişanı” ordenlәri ilә tәltif edilmişdir. Adına Bakıda küçә, hospital, sıravi vә kiçik rәis heyәti hazırlayan mәktәb, tanker var.
