HEYLBRONER (Heilbroner) Robert Lyuis (24.3.1919, Nyu York – 4.1.2005, Nyu York) – Amerika iqtisadçısı, sosioloq, iqtisadi fikir tarixçisi. 1940 ildә Harvard Un-tini bitirmişdir. 1950-ci illәrdә Yeni sosial tәdqiqatlar mәktәbindә elmi işçi kimi çalışmış, әsasәn, iqtisadi fikir tarixindәn dәrs demişdir. Fәlsәfә elmlәri doktoru dәrәcәsini (1963) almış, 1971 ildә iqtisadiyyat üzrә prof. olmuşdur. Amerika İqtisadiyyat Assosiasiyasının vitse-prezidenti (1972) seçilmişdir. H. iqtisadiyyatı “әnәnәvi” (әsasәn, natural tәsәrrüfat), “komanda” (dövlәtin iştirakı ilә mәrkәzdәn planlaşdırılmış iqtisadiyyat), “bazar” (kapitalizm) vә “qarışıq” iqtisadiyyat kimi tәsnif etmişdir. H. 20-dәn çox kitabın müәllifidir. Görkәmli iqtisadçıların, o cümlәdәn A.Smit, K.Marks, C.Keyns vә b.-nın hәyatı vә onların elmә verdiyi töfhәlәr haqqında “The Worldly Philosophers: The Lives, Times and Ideas of the Great Economic Thinkers” (“Dünya fәlsәfәçilәri: görkәmli iqtisadçıların hәyatı vә fikirlәri”, 1953) kitabı ona dünya şöhrәti gәtirmişdir. O özünü iqtisadçıdan daha çox sosial-nәzәriyyәçi vә filosof-praktik sayır, tarix, iqtisadiyyat vә fәlsәfә kimi fәnlәri birlәşdirmәyә çalışırdı, lakin müasirlәri onu görkәmli iqtisadçı hesab edirdilәr.
Ə s ә r l ә r i: “The Worldly Philosophers”, 1953; New York, 1963; “Economic Relevance: A Second Look”, 1971; “Understanding Macroeconomics”, 1972; “Marxism: For and Against”, New York, 1980; “The Nature and Logic of Capitalism”, 1985; “Technological Determinism Revisited. In Does Technology Dri ve History”, Cambridge, 1994; “The Economic Trans formation of America Since 1865” (with Alan Singer), 1997.
