HEYMANS Korney Jan Fransua (28.3.1892, Gent – 18.7.1968, Knokke–Heyst) – Belçika fizioloqu vә farmakoloq. Nobel mükafatı laureatı (1938). Gent Un-tini bitirmişdir (doktor, 1920). İki il Avropa vә ABŞ un-tlәrindә, 1922 ildәn Gent Un-tindә (1930 ildәn prof.) işlәmişdir. 1930 ildә bu un-tin farmakodinamika vә terapiya in-tuna rәhbәrlik etmişdir. Əsas tәdqiqatları qanın kimyәvi tәrkibinin, qan dövranının vә tәnәffüsün tәnzimlәnmәsi mexanizmlәrinin, baş beynin qan dövranının müvәqqәti kәsilmәsi şәraitindә fiziologiya vә patologiya üzrәdir. Orqanizmin müvazinәtinin saxlanmasında yuxu arteriyalarının (karotidsinusları) vә aortanın hemoreseptorlarının rolunu kәşf etmişdir. Aydakı krater H.-ın şәrәfinә adlandırılmışdır (1970).
