HEYNKEL (alm. Heinkel) Ernst (24.1.1888, Qrunbax – 30.1.1958, Ştutqart) – alman aviakonstruktoru, “Heynkel” firmasının yaradıcısı. 1911 ildә Ştutqartda Ali texniki mәktәbi bitirmişdir. Quraşdırdığı ilk tәyyarә (Farmanın biplanı tipindә) ilә 1911 ildә uçuş zamanı qәzaya uğramışdı. 1913–22 illәrdә bir sıra tәyyarә qayırma firmalarında baş konstruktor işlәmişdir. Birinci dünya müharibәsi illәrindә H. Almaniya vә Avstriya ordusunda işlәdilәn 30-dan çox tәyyarә tipi yaratmışdır. 1933 ildә rekord sürәt (375 km/saat) göstәrmiş He 70 yeddi yerli nәql. tәyyarәsini, sonrakı illәrdә şığıyan bombardmançı – He 50 vә qırıcı He 51 tәyyarәlәrini hazırlamışdır. 1930 illәrin o rtalarında “Heynkel” firması KB z-dları, aviasiya emalatxanası vә uçuş-tәdqiqat bazası olan güclü aviasiya konserninә çevrilmişdir. Firma 100-dәn çox tәyyarә növü (tәlim, sәrnişin, kәşfiyyat, bombardmançı, qırıcı vә s.) buraxırdı. 1939 ildә ilk sınaq He 176 (raket mühәrrikli) vә He 178 (turbo reaktiv mühәrrikli) reaktiv tәyyarәlәrini hazırlamışdır. İkinci dünya müharibәsi illәrin dә H.-in ikimotorlu He 111 bombardmançı tәyyarәsindәn geniş istifadә olunurdu. H. 1950 ildәn Ştutqart ş.-ndә tәyyarәqayırma firmasına rәhbәrlik etmişdir.
