HEYROVSKİ Yaroslav (20.12.1890, Praqa – 27.3.1967, orada) – çex kimyaçısı, Çexoslovakiya EA-nın üzvü (1952). Nobel mükafatı laureatı (1959). Praqa Un-tindә (1909) vә London Un-t Kollecindә (1910–14) tәhsil almışdır. Praqa Un-tini bitirmişdir (1918). 1920 ildәn orada işlәmişdir (1922 ildәn un-tin nәzdindә Fiziki Kimya İn-tunun direktoru; 1926 ildәn prof.). Praqada Polyaroqrafiya İn-tunun direktoru (1950–67; 1964 ildәn in-t H.-nin adınadır) olmuşdur. Polyaro qrafiyanın yaradıcısıdır (1922). Civә damcı elektrodu üzәrindә elektrolizi tәdqiq edәrәk maddәlәrin oksidlәşmә; reduksiya potensialları ilә onların tәbiәti, hәmçinin diffuziya cәrәyanının qiymәti ilә maddәnin elektrolitdә qatılığı arasındakı asılılığı müәyyәn etmişdir. Bu polyaroqrafiya metodunun işlәnib hazırlanması üçün әsas olmuşdur. 1925 ildә, yapon hәmkarı M.Şikato ilә birlikdә polyaroqraf cihazını yaratmışdır. Polyaroqrafik cәrәyanın yüksüzlәşәn ionların potensialı, qatılığı vә diffuziya әmsalından asılılıq tәnliyini vermişdir (1935, D.İlkoviç ilә birlikdә; Heyrovski – İlkoviç tәnliyi). H., polyaro qrafik üsulu, nәzәriyyәni vә polyaroqrafik tәdqiqatların texnikasını hәrtәrәfli işlәyib hazırlamışdır. Onun elmi işlәri әsasında (1950–60) bütün elementlәrin, o cümlәdәn lantanoid vә aktinoidlәrin tәyininin polyaroqrafiya üsulları yaradılmışdır.
