HEYVANLARIN MORFOLOGİYASI (yun. μορφή – forma, görünüş vә ...logiya) biologiyada – heyvanların bütün inkişaf mәrhәlәlәrindә onların quruluş qanunauyğunluqları (ultrastrukturdan makrostruktura kimi) haqqında elmdir. H.m. tәdqiq olunan obyektin struktur sәviyyәsindәn asılı olaraq sitologiya, histologiya, anatomiya, embriologiyanı; tәdqiqat üçün istifadә edilәn yanaşmalara görә tәsviri, funksional vә ekoloji morfologiyanı; tarixi inkişafın gedişindә orqanizmin strukturunda baş verәn dәyişikliklәrin xüsusiyyәtlәrinә görә tәkamül morfologiyasını (ona aid olan müqayisәli anatomiyanı vә paleontologiyanı); fenotipik növdaxili variasiyaların xarakterinә görә populyasiya morfologiyasını özündә birlәşdirir.
Əd.: Б е к л е м и ш е в В.Н. Основы сравнительной анатомии беспозвоночных. 3-е изд. М., 1964. Т. 1: Проморфология; Состояние и перспективы развития морфологии. М., 1979; Проблемы развития морфологии животных. М., 1982.
