HƏBİBOV Aleksandr Hәbib oğlu (d. 31.8.1955, Moskva) – rus biokimyaçısı, REA akad. (2016). MDU bitirmişdir (1977). 1997 ildәn REA-nın akad. M.M.Şemyakin vә akad. Y.A.Ovçinnikov ad. Bioüzvi Kimya İn-tunda biokataliz laboratoriyasının müdiri işlәyir, eyni zamanda hәmin in-tun direktorudur (2017 ildәn). MDU-da kafedra müdiri vә laboratoriya rәhbәridir. Elmi işlәri fiziki-kimyәvi biologiya, biokataliz vә immunologiya sahәlәrinә aiddir. H. autoimmun proseslәrdә anticisimlәrin katalitik aktivliyini (xüsusilә DNT-ni hidroliz etmә aktivliyini) kәşf etmişdir. Autoanticisimlәrin tәsiri ilә anticisimlәrin parçalanmasının universal xarakterli olması haqqında fәrziyyә söylәmiş vә 3D sәviyyәsindә anticisimlәr ilә DNT-nin hidrolizinin mexanizmini müәyyәnlәşdirmişdir. Katalitik anticisimlәrin fermentlәrә qarşı antiidiotipik anticisimlәr kimi yaranması haqqında hipotezi irәli sürmüş vә tәsdiq etmişdir; bu yeni istiqamәtin – “katalitik peyvәndlәrin” yaradılmasının başlanğıcını qoydu. H. anticisimlәrin “aktiv mәrkәzlәrindә” baş verәn hadisәlәrin kvant-mexaniki hesablamaların kömәyi ilә anticisimlәrin süni yetişmәsi” konsepsiyasını tәklif etmişdir. Bir neçә gen-mühәndis dәrmanlarının texnologiyalarını işlәyibhazırlamış vә tәtbiq etmişdir. 261-dәn çox elmi әsәrin, o cümlәdәn 5 monoqrafiyanın müәllifidir. Elmi kadrların hazırlanmasında xidmәti var. Rusiya Biokimyaçılar vә Molekulyar Bioloqlar Cәmiyyәtinin prezidenti, Fransa Əczaçılıq Akademiyasının üzvüdür. 2013–15 illәrdә Biokimya Cәmiyyәtlәrinin Avropa Federasiyasının prezidenti olmuşdur.
