HƏBİBOV Rәfael Şәrafәt oğlu [20.4.1964, Əli Bayramlı ş. (indiki Şirvan) – 7.7.1992, Kәlbәcәr r-nu] – Azәrb.-ın Milli Qәhrәmanı (ölümündәn sonra, 16.9.1994). Baltika qoşunlarında hәrbi xidmәtini (1982–84) başa vurduqdan sonra Kaunas Gizirlәr Mәktәbinә daxil olmuşdur. Mәktәbi bitirdikdәn sonra Kutaisi (Gürc.) әtrafındakı hәrbi hissәlәrdәn birinә göndәrilmişdir. Leninqradda (indiki Sankt-Peterburq) hәrbi mәktәbi bitirdikdәn sonra leytenant rütbәsi almış, 1986 ildәn xidmәtini Əfqanıstanda davam etdirmişdir. Orada gedәn döyüşlәrdә yaralanmış, rәşadәtinә görә fәxri fәrmanlarla, medallarla tәltif edilmişdir. 1992 ildә Azәrb.-ın Milli Ordusu tәrkibindә Qarabağa göndәrilmişdir. Tәzәkәnd, Narıncılar, Zod, Alaqaya, Çörәkdar, Ağdaban, Çapar kәndlәri uğrunda gedәn döyüşlәrdә igidlik göstәrmişdir. Kәlbәcәr r-nu әrazisindәki döyüşlәrdә düşmәnin PDM-24 tipli zirehli maşınını heyәti ilә birlikdә mәhv etmişdir. Tozlukörpü istiqamәtindә gedәn döyüşdә mühasirәyә düşәn kәşfiyyatçıları xilas edәrkәn hәlak olmuşdur. Əli Bayramlı ş.-n dә dәfn edilmişdir. Adına mәktәb var, büstü qoyulmuşdur.
