HƏKİMZADƏ Mirmöhsün Əli oğlu (1882, Şamaxı – 15.9.1967, Bakı) – Azәrb. ilahiyyatçısı, din xadimi. İlk tәhsilini atasından almış, Mәşhәd, Xorasan vә Nәcәfdә davam etdirmişdir. 1914 ildә Şamaxıya qayıtmış, “İmamlı” mәscidinin axundu tәyin edilmişdir. Mart soyqırımından (1918) sonra anası ilә birgә Sabirabadda mәskunlaşmışdır. 1928 ildә hәbs olunmuş, 6 aydan sonra azad edilmişdir. H. 1944 ildә tәşkil edilәn Qafqaz Müsәlmanları Ruhani İdarәsinin sәdr müavini olmuş, 1954 ildә Ağa Əlizadә vәfat etdikdәn sonra şeyxülislam seçilmişdir (1966 ilәdәk). Tәzәpir mәscidi nәzdindә ruhani mәktәbinin inşası onun adı ilә bağlıdır.
Əd.: N u r u l l a y e v F. Şeyxülislamlıq zirvәsi: Hacı Allahşükür Paşazadә. B., 2014.
