HƏKKAKLIQ – daş, metal vә ya ağac üzәrindә naxış, rәsm vә yazı hәkketmә sәnәti. H. bir çox inkişaf mәrhәlәsi keçmiş, siyasi, iqtisadi vә ictimai quruluşdan asılı olaraq, müxtәlif forma vә bәdii xüsusiyyәtlәr kәsb etmişdir. Orta әsrlәrә aid metal mәmulatlar (qızıl vә gümüş, dәmir, mis, bürünc vә s.-dәn) orijinal formaları, bәzәklәrinin, hәndәsi, nәbati ornamentlәrinin zәnginliyi ilә fәrqlәnir. Arxeoloji qazıntılar zamanı Azәrb.-ın Qarabağ, Gәdәbәy bölgәlәrindәn, Urmiya gölü yaxınlığındakı Hәsәnli tәpәsindәn qiymәtli H. nümunәlәri tapılmışdır. 11–15 әsrlәrdә metaldan hazırlanmış müxtәlif silahlar, ev әşyaları vә s. sәnәt nümunәlәri dövrümüzәdәk saxlanılmışdır. Şirvanşahların “Bayıl qәsri” (1235) üzәrindәki yazı vә relyefli tәsvirlәr hәmin dövr bәdii oyma sәnәtinin qiymәtli nümunәlәrindәndir. Naxçıvan, Laçın, Ağdam, Gәncә vә s. yerlәrdәn tapılmış daş qoç vә at fiqurları, süjetli qabartma heykәllәr Azәrb. incәsәnәtinin maraqlı örnәklәridir. 18–19 әsrlәrdә Tәbriz, Gәncә, Şәki, Şuşa, Şamaxı vә Bakı şәhәrlәrindә H. sәnәti geniş yayılmışdı. Azәrb. Milli Xalça Muzeyindә bir sıra dәyәrli şәbәkә nümunәlәri saxlanılır. Yüksәk sәnәtkarlıqla hazırlanmış bәdii taxta numünәlәrinә ictimai binaların (muzeylәr vә s.) tәrtibatında (şәbәkәli ara kәsmәlәr, müxtәlif kürsülәr, rәhillәr) daha çox tәsadüf olunur (әlavә mәlumat üçün bax Qravüra).
Hәkkaqlıq. Qәdәh. Şüşә. 1782.
Hollandiya.Reyksmüseum
(Amsterdam).
(Amsterdam).
Hәkkaqlıq. Bardaq. Gümüş. Tәqr. 1860.
ABŞ. Şәxsi kolleksiya.
