HƏMZƏYEVA Zәroş Mirzәbağır qızı (22.3.1925, Babәk r-nunun Nax. MR. Nehrәm k. – 6.6.2004, Bakı) – Azәrb. aktrisası. Azәrb. SSR xalq artisti (1967). Sәhnә fәaliyyәtinә 1942 ildәn başlamışdır; 1942–83 illәrdә C.Mәmmәd quluzadә ad. Naxçıvan Dövlәt Musiqili Dram Teatrında çıxış etmişdir. Teatrın sәhnәsindә Yetәr (“Yağışdan çıxdıq, yağmura düşdük”, N.Vәzirov), Şirin, Xuraman (“Fәrhad vә Şirin”, “Vaqif”, S.Vurğun), Gültәkin, Solmaz, Sevil, Almaz (“Aydın”, “Od gәlini”, “Sevil”, “Almaz”, C.Cabbarlı), Dezdemona (“Otello”, U.Şekspir), Mirandolina (“Mehmanxana sahibәsi”, K.Qoldoni), Leyli, Əsli (“Leyli vә Mәcnun”, “Əsli vә Kәrәm”, Ü.Hacıbәyli), Xumar (“Şeyx Sәnan”, H.Cavid) vә s. obrazlar yaratmışdır. H.-nın aktrisa kimi formalaşmasında H.Cavid dramaturgiyası böyük rol oynamışdır. Xumar, Südabә (“Şeyx Sәnan”, “Sәyavuş”, H.Cavid) obrazları xüsusilә diqqәtәlayiqdir. H. Naxçıvan torpağına hәsr etdiyi “Nәqşi Cahan” (1999) kitabının müәllifidir. Azәrb. Resp.-nın “Şöhrәt” ordeni ilә tәltif olunmuşdur.
Əd.: İ s m a y ı l o v a Ə. Nehrәmli qız. B., 1985; Azәrbaycanın xalq artisti Zәroş Hәmzәyeva haqqında rәylәr. B., 1998.
