HƏRBİ BLOKADA – müәyyәn obyektin, qoşun qrupunun, iqtisadi rayonun, inzibati mәrkәzin, şәhәrin, adanın, dәniz boğazı zonasının vә ya dövlәtin tәcrid olunması (xarici әlaqәlәrinin pozulması), mühasirәsi. Qurudan, havadan vә dәnizdәn onun әtraf alәmlә әlaqәlәrini kәsmәk yolu ilә hәyata keçirilir. H.b.-nın mәqsәdlәri dövlәtin hәrbi-iqtisadi qüdrәtini sarsıtmaq, düşmәn qruplaşmanı zәiflәtmәk vә onu darmadağın etmәk, yaxud tәslim olmağa vadar etmәk vә s.-dir. Tam, mәhdud, quru, dәniz, hava vә ya qarışıq blokada ola bilәr. Miqyasından, mәqsәdindәn vә cәlb olunan vasitәlәrdәn asılı olaraq strateji vә әmәliyyat blokadasına bölünür. Taktiki miqyasda keçirilәn H.b. adәtәn mühasirә adlanır. Kubanın ABŞ silahlı qüvvәlәri tәrәfindәn blokadası (1962), B.Britaniya-Argentina münaqişәsindә Folklend (Malvin) a-rının ingilis donanması tәrәfindәn H.b.-ya alınaraq tәkrar әlә keçirilmәsi (1982) dünyanın iri dövlәtlәrinin bu tәdbirdәn tez-tez istifadә etdiyini göstәrir.










