HƏSƏNLİ Mirәlәm Xası oğlu (d.12.7.1947, Cәlilabad r-nu, Alıqasımlı k.) – Azәrb. iqtisadçısı, iqtisad e.d. (1997), prof. (2007). Azәrb. Neft vә Kimya İn-tunun neft mexanikası (1970), Azәrb. Xalq Tәsәrrüfatı İn-tunun maliyyә-kredit (1985), Bakı Dövlәt Un-tinin hüquq (1999) fakültәlәrini bitirmişdir. SSRİ Xüsusi Tikinti-Quraşdırma Nazirliyinin Bakı ş.-ndә yerlәşәn idarәsindә sahә rәisi, baş mühәndis (1970–78), SSRİ Tikinti Bankının Bakı şöbәsindә şöbә rәisi, müdir müavini (1978–82), İcra Komitәsi sәdrinin müavini (1982–84), Azәrb. Resp. Maliyyә Nazirliyinin Xәtai rayon şöbәsinin müdiri vә vergi müfәttişliyinin rәisi (1985–92, 1994–99), Azәrb. Resp. Prezidenti Aparatında strateji iqtisadi proqramlar sektorunun müdiri (1992), Azәrb. Resp. Maliyyә Nazirliyindә Baş Büdcә İdarәsinin rәisi (1993), ADİU-da kafedra müdiri müavini (2005), kafedra müdiri (2013–16) vәzifәlәrindә çalışmışdır. Tәdqiqatları vergi sisteminin formalaşdırılması vә tәkmillәşdirilmәsinә, vergi xidmәti orqanlarında lokal kompüterlәşdirmә sisteminin tәşkilinә aiddir. 90-dan çox elmi әsәrin, o cümlәdәn 2 monoqrafiyanın müәllifidir. Elmi kadrların hazırlanmasında xidmәti var.
Ə s ә r l ә r i: “Keçid iqtisadiyyatlı ölkәlәrin vergi sistemlәrinin formalaşdırılması”. Bakı, 1995; “Налоговая система общества: методология обоснования, принципы построения”. Sankt–Peterburq, 1997.
